ລົງຢ້ຽມຍາມການຜະລິດຂອງໂຮງງານແກະສະຫລັກໄມ້

ທ່ານ ປອ ບົວວັນ ວິລະວົງ ວ່າການແທນຫົວຫນ້າກົມອຸດສາຫະກຳ ແລະ ຫັດຖະກຳ ພ້ອມດ້ວຍຄະນະ ແລະ ຜູ້ຕ່າງຫນ້າຈາກກົມSMEs, ກົມສົ່ງເສີມການຄ້າ ກະຊວງອຸດສາຫະກຳ ແລະ ການຄ້າ, ພະແນກ ອຄ ນະຄອນຫລວງ ແລະ ຫ້ອງການ ອຄ ເມືອງຈັນທະບູລີ, ສີໂຄດຕະບອງ, ໄຊເສດຖາ ແລະ ຫາດຊາຍຟອງ ໄດ້ລົງຢ້ຽມຍາມການຜະລິດຂອງໂຮງງານແກະສະຫລັກໄມ້ ລະຫວ່າງວັນທີ່16-18/7/2019 ຈຳນວນ6 ຫົວໜ່ວຍ ຄື ໂຮງງານໄຜ່ເອກະລັກຫັດຖະກຳ, ໂຮງງານຫັດຖະກຳກອງແຊງ, ໂຮງງານລ້ານຊ້າງຫັດຖະກຳ, ຮ້ານສົມດີຫັດຖະກຳ, ໂຮງງານເພັດສະໜອນຫັດຖະກຳ ແລະ ໂຮງງານລາວດີຊາຍທີ່ໄດ້ຮັບການຢັ້ງຢືນເປັນສິນຄ້າ ODOP ໃນຂອບເຂດນະຄອນຫລວງ ຈຸດປະສົງເພື່ອເກັບກຳສະພາບການຜະລິດ ແລະ ວາງແຜນສົ່ງເສີມ ແລະ ພັດທະນາຫັດຖະກຳແກະສະຫລັກໄມ້ ເປັນຕົ້ນດ້ານສີມື ການອອກແບບ ການຖ່າຍທອດເຕັກນິກ ແລະ ການຕະຫລາດ ໃນໄລຍະສັ້ນ ໄລະກາງ ແລະ ໄລຍະຍາວ