ກອງປະຊຸມພົບປະແລກປ່ຽນທີ່ແຂວງເຊກອງ

ກອງປະຊຸມພົບປະແລກປ່ຽນວຽກງານອຸດສາຫະກຳແລະ ການຄ້າ ທີ່ແຂວງເຊກອງ ເປີດຂື້ນວັນທີ 27 ສິງຫາ 2019 ໂດຍການເປັນປະທານຂອງທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງ ອຄ ຮ່ວມກັບ ທ່ານ ຄຳເຜີຍ ບຸດດາວຽງ ເຈົ້າແຂວງ ແຂວງເຊກອງ ພ້ອມດ້ວຍຜູ້ແທນກອງປະຊຸມທັງສູນກາງແລະ ພະແນກ ອຄແຂວງເຊກອງ ແລະບັນດາຫ້ອງການ ອຄ ເມືອງ. ໃນກອງປະຊຸມມີການແລກປ່ຽນຄຳເຫັນຢ່າງກົງໄປກົງມາ ແລະເນັ້ນໜັກບັນຫາ ແລະ ວິທີການແກ້ໄຂ ກ່ຽວກັບ ວຽກງານອຸດສາຫະກຳປຸງແຕ່ງ ແລະ ຫັດຖະກຳ, ວຽກງານການຄ້າພາຍໃນ, ວຽກງານທະບຽນວິສາຫະກິດ, ວຽກງານການຈັດຕັ້ງ, ວຽກງານການນຳເຂົ້າ ແລະ ສົ່ງອອກ, ວຽກງານສົ່ງເສີມວິສາຫະກິດຂະໜາດນ້ອຍ ແລະ ກາງ, ວຽກງານສົ່ງເສີມການຄ້າ ແລະ ທ່ານ ເຫລັກໄຫລ ສີວິໄລ ຮອງເຈົ້າແຂວງ ແຂວງເຊກອງ ໄດ້ປະກອບຄຳເຫັນຕໍ່ວຽກງານການພັດທະນາເສດຖະກິດຂດ້ານອຸດສາຫະກຳ ແລະ ການຄ້າ ຂອງແຂວງສຸດທ້າຍ ທ່ານເຈົ້າແຂວງສະເຫນີວິທີທາງແກ້ໄຂແລກປ່ຽນຄຳເຫັນກັບທ່ານລັດຖະມົນຕີ ຮ່ວມກັບຜູ້ແທນກອງປະຊຸມ ເພື່ອພັດທະນາວຽກງານອຸດສາຫະກຳແລະການຄ້າ ຂອງແຂວງໃຫ້ຂະຫຍາຍຕົວເປັນແຕ່ລະບາດກ້າວ